Cвященномученик Иоасаф (Жевахов), епископ Могилевский

Иоасаф (в миру Жевахов, князь Владимир Давидович), епископ Могилевский, родился 24 декабря 1874 года в родовом имении Линовица Полтавской губернии, в семье благочестивых князей Давида Дмитриевича и Екатерины Константиновны Жеваховых. Он принадлежал к русской ветви древнего грузинского рода князей Джаваховых, которые считали своим родоначальником Картлоса — внука Иафета, первого владетеля Кавказа и родоначальника грузин. Его потомок Джавах I, царь Джавахетии, живший за несколько веков до Рождества Христова, и дал имя роду Джаваховых. В XVIII столетии князь Шио (Семен) Джавахов вышел из Грузии с собственным отрядом в свите царя Вахтанга.

В 1738 году он принял русское подданство, получив княжеский надел в Новороссийской губернии. Он-тои положил начало российской ветви древнего княжеского рода, который по-русски стал именоваться Жеваховы.

В семье Жеваховых было четверо детей: два сына-близнеца — Николай и Владимир — и две дочери — Любовь и Варвара. Предки князя Жевахова были из древнего грузинского рода князей и состояли в родстве с семейством Горленко, давшем России Святителя Белгородского Иоасафа. Один из сыновей князя Семена Джевахова (отставной майор) Спиридон Семенович был женат на племяннице матери святителя Иоасафа, Марии Даниловне Горленко. Второй раз род Жеваховых пересекся с родом святителя Иоасафа несколько позже. Дед Николая и Владимира Жеваховых, князь Дмитрий Михайлович, был женат на Любови Давидовне Горленко, прадед которой был двоюродным братом святителя.

В 1899 году Владимир окончил юридический факультет Киевского университета Св. Владимира. В 1900 году поступил на службу в Киевскую судебную палату. С 1902 по 1914 год избирался на каждое новое трехлетие почетным мировым судьей по Киевскому уезду, что свидетельствует о доверии к нему простого народа.

С октября 1908 года князь Владимир Жевахов — член Православного миссионерского общества,член-учредитель Камчатского православного братства, основанного иеромонахом Нестором (Анисимовым, позже митрополитом).

В 1910 году указом Священного Синода Владимир Жевахов был назначен членом комиссии по устройству раки для Честных Мощей святителя Иоасафа Белгородского, к тому же был активным ктитором, много жертвовал на нужды Церкви.

Получив благословение митрополита Киевского Флавиана (Городецкого), осенью 1911 года Владимир Жевахов взял в аренду у инженерного ведомства участок земли в Киеве под названием «зверинец», где находился древний пещерный монастырь, более ранний, чем Киево-Печерская Лавра, и в августе 1912 года на свои средства начал раскопки. Усилиями братии был выстроен дом, в котором разместилась двухпрестольная церковь. Князь Жевахов оказал значительную поддержку в строительстве надпещерного храма, который в декабре 1913 года был освящен. Впоследствии здесь был основан Зверинецкий скит, почетным попечителем которого был князь Владимир Жевахов.

До 1917 года князь Жевахов состоял на государственной службе в звании статского советника и неоднократно исполнял обязанности вице-губернатора.

Все время революции и гражданской войны князь Жевахов провел в Киеве, в доме своей матери.

В 1919 году, в самое страшное время, братьев Жеваховых приютил игумен Зверинецкого скита в благодарность за пожертвования. В 1924 году Владимир Жевахов был впервые арестован и семь месяцев провел в тюрьме Киева. 26 декабря 1924 года в основанном им Зверинецком ските епископом Уманским Макарием (Кармазиновым) он был пострижен в монашество с именем Иоасаф и рукоположен во иеромонаха. Через полтора года, 6 июля 1926 года, митрополит Сергий (Страгородский) хиротонисал его в Нижнем Новгороде во епископа Дмитриевского, викария Курской епархии. Однако вскоре святитель был арестован и с августа 1926 года по исход 1929 года находился в заключении в Соловецком лагере особого назначения (СЛОН). После лагеря он три года провел в ссылке в Нарымском округе (Восточно-Сибирский край). По возвращении из ссылки 29 июня 1936 года назначен епископом Могилевским. Ему было поручено управлять и Минской епархией. 16 октября 1936 года он был арестован и выслан в г. Боровичи Новгородской области, но в следующем году его освободили, направили в Белгород.

В 1937 году был арестован УНКВД по Курской области по обвинению в руководстве контрреволюционной организацией церковников. 4 декабря 1937 года осужден тройкой УНКВД по Курской области и в тот же день расстрелян.

20 мая 1990 года Иоасаф, епископ Могилевский, указом Президиума Верховного Совета СССР был реабилитирован.

21 февраля 2002 года к высокопреосвященному Максиму, архиепископу Могилевскому и Мстиславскому, обратились наместники Свято-Троицкого Выдубицкого монастыря и Скорбященского Звериницкого скита г. Киева архимандриты Иона и Кассиан с просьбой поддержать их ходатайство о канонизации в лике священномучеников строителя, попечителя и благодетеля их монастыря святителя Иоасафа, приложив при этом собранные ими материалы для канонизации священномученика. Архиепископ Максим написал рапорт и оправил эти материалы в Патриархию.

17 июля 2002 года (уже после смерти владыки Максима) Постановлением Священного Синода Русской Православной Церкви был канонизирован в лике священномучеников епископ Могилевский Иоасаф (Жевахов).

24 июля/ 6 августа прославление священномученика Иоасафа соединилось с торжеством памяти Святителя Могилевского и Белорусского Георгия.

Согласно Положению о канонизации святых, священномученик Иоасаф, епископ Могилевский, одновременно прославляется и в Украинской Церкви, и в Российской, и в Белорусской (по месту его рождения, подвигов и кончины).

И ны́не, Богоро́дичен, глас то́йже: Всеми́рную сла́ву: Вход. Проки́мен дне. И чте́ния 3.

Дея́ний святы́х апо́стол чте́ние (глава́ 4):

Во дни о́ны, глаго́лющим апо́столом к лю́дем, наидо́ша на них свяще́нницы, и воево́да церко́вный, и саддуке́и, жа́ляще си, за е́же учи́ти им лю́ди и возвеща́ти о Иису́се воскресе́ние ме́ртвых; и возло́жиша на них ру́ки, и положи́ша их в соблюде́ние до у́трия: бе бо ве́чер уже́. Мно́зи же от слы́шавших сло́во ве́роваша: и бысть число́ муже́й я́ко ты́сящ пять. Бысть же нау́трие собра́тися князе́м их, и ста́рцем, и кни́жником во Иерусали́м: и А́нне архиере́ю, и Каиа́фе, и Иоа́нну, и Алекса́ндру, и ели́цы бе́ша от ро́да архиере́йска. И поста́вльше их посреде́, вопроша́ху: ко́ею си́лою, или́ ко́им и́менем сотвори́сте сие́ вы? Тогда́ Петр, испо́лнився Ду́ха Свя́та, рече́ к ним: кня́зи лю́дстии и ста́рцы Изра́илевы, а́ще мы днесь истязу́еми есмы́ о благодея́нии челове́ка не́мощна, о чесо́м сей спасе́ся, разу́мно бу́ди всем вам и всем лю́дем Изра́илевым, я́ко во и́мя Иису́са Христа́ Назоре́я, Его́же вы распя́сте, Его́же Бог воскреси́ от ме́ртвых, о Сем сей стои́т пред ва́ми здрав. Сей есть ка́мень, укоре́нный от вас, зи́ждущих, бы́вый во главу́ у́гла, и несть ни о еди́ном же ино́м спасе́ния; несть бо ино́го и́мене под небесе́м, да́ннаго в челове́цех, о не́мже подоба́ет спасти́ся нам.

Дея́ний святы́х апо́стол чте́ние (глава́ 4):

Во дни о́ны, ви́дяще иуде́и Петро́во дерзнове́ние и Иоа́нново и разуме́вше, я́ко челове́ка некни́жна еста́ и про́ста, дивля́хуся: зна́ху же их, я́ко со Иису́сом бе́ста. Ви́дяще же исцеле́вшаго челове́ка с ни́ма стоя́ща, ничто́же имя́ху проти́ву рещи́. Повеле́вше же и́ма вон из со́нмища изы́ти, стяза́хуся ко друг дру́гу, глаго́люще: что сотвори́м челове́кома си́ма? Я́ко у́бо наро́читое зна́мение бысть и́ма, всем живу́щим во Иерусали́ме я́ве, и не мо́жем отврещи́ся. Но да не бо́лее простре́тся в лю́дех, преще́нием да запрети́м и́ма ктому́ не глаго́лати о и́мени сем ни еди́ному от челове́к. И призва́вше их, запове́даша и́ма отню́д не провещава́ти, ниже́ учи́ти о и́мени Иису́сове. Петр же и Иоа́нн, отвеща́вше к ним, ре́ста: а́ще пра́ведно есть пред Бо́гом вас послу́шати па́че, не́жели Бо́га, суди́те? Не мо́жем бо мы, я́же ви́дехом и слы́шахом, не глаго́лати. Они́ же, призапре́щше и́ма, пусти́ша я, ничто́же обре́тше, ка́ко му́чити их, люде́й ра́ди, я́ко вси прославля́ху Бо́га о бы́вшем: лет бо бя́ше мно́жае четы́редесяти челове́к той, на не́мже бысть чу́до сие́ исцеле́ния.

Дея́ний святы́х апо́стол чте́ние (глава́ 4):

Во дни о́ны, отпуще́на бы́вша апо́стола приидо́ста ко свои́м и возвести́ста, ели́ка к ни́ма архиере́и и ста́рцы ре́ша. Они́ же, слы́шавше, единоду́шно воздвиго́ша глас к Бо́гу и реко́ша: Влады́ко, Ты, Бо́же, сотвори́вый не́бо и зе́млю и мо́ре и вся, я́же в них; И́же усты́ Дави́да о́трока Твоего́ рече́: вску́ю  шата́шася  язы́цы  и  лю́дие  поучи́шася  тще́тным? Предста́ша ца́рие зе́мстии, и кня́зи собра́шася вку́пе на Го́спода и на Христа́ Его́. Собра́шася бо вои́стину во гра́де сем на свята́го О́трока Твоего́ Иису́са, Его́же пома́зал еси́, И́род же и Понти́йский Пила́т, с язы́ки и людьми́ изра́илевыми, сотвори́ти, ели́ка рука́ Твоя́ и сове́т Твой преднарече́ бы́ти. И ны́не, Го́споди, при́зри на преще́ния их и даждь рабо́м Твои́м со вся́ким дерзнове́нием глаго́лати сло́во Твое́, внегда́ ру́ку Твою́ простре́ти Ти во исцеле́ния, и зна́мением и чудесе́м быва́ти и́менем святы́м О́трока Твоего́ Иису́са. И помоли́вшимся им, подви́жеся ме́сто, иде́же бя́ху со́брани, и испо́лнишася вси Ду́ха Свя́та, и глаго́лаху сло́во Бо́жие со дерзнове́нием.

На стихо́вне стихи́ры, глас 6.

 Подо́бен: Тридне́вен:

Столп непоколеби́мый Ру́сския Це́ркве был еси́, гоне́ния лю́тая претерпева́я, день и нощь в моли́тве подвиза́лся еси́, священному́чениче Иоаса́фе, огне́м ре́вности и ду́хом кро́тости па́ству твою́ ко Христу́ путеводя́, тем тя любо́вию почита́ем.

Стих: Свяще́нницы Твои́ облеку́тся в пра́вду и преподо́бнии Твои́ возра́дуются.

Ве́рен Бо́гу и Це́ркви был еси́ да́же до сме́рти, священному́чениче Иоаса́фе, ны́не же, с ли́ки новому́ченик и испове́дников Росси́йских предстоя́ Христу́ Царю́, моли́ся с ни́ми приле́жно дарова́ти нам мир и ве́лию ми́лость.

Стих: Честна́ пред Го́сподем смерть преподо́бных Его́.

Душе́вная и теле́сная страда́ния твоя́ и смерть во́льная от безбо́жных за Го́спода отверзо́ша ти, свя́те Иоаса́фе, врата́ жи́зни ве́чныя и укрепи́ша бра́тий твои́х испове́дати Христа́. Те́мже Ему́ моли́ся при́сно, да утверди́тся Правосла́вие на Руси́ во ве́ки.

Сла́ва, глас 4:

А́нгели страда́нием твои́м дивля́хуся, и Це́рковь Небе́сная ра́достно тя прия́т, достохва́льне Иоаса́фе. Ны́не же, свяще́нныя ру́це твоя́ к Престо́лу Святы́я Тро́ицы простира́я, помина́й зе́млю Ру́сскую, ю́же возлюби́л еси́, моля́ о спасе́нии сла́вящих тя благоче́стно.

И ны́не, Богоро́дичен, глас то́йже:

При́зри на моле́ния Твои́х раб, Всенепоро́чная, и вся́кия ско́рби изба́ви зе́млю Ру́сскую, дом Твой нарече́нную и кровьми́ новому́ченик освяще́нную. Да не постыди́мся, Влады́чице Держа́вная, Тя призыва́ющии, Ты бо еси́ правосла́вных по́мощь, ра́дость, и покро́ве, и спасе́ние душ на́ших.

Тропа́рь, глас 3:

Це́ркве Ру́сския сто́лпе непоколеби́мый, благоче́стия пра́вило, жития́ ева́нгельскаго о́бразе, священному́чениче Иоаса́фе, Христа́ ра́ди пострада́вый да́же до кро́ве, Его́же моли́ усе́рдно, я́ко Нача́льника и Соверши́теля спасе́ния, Русь Святу́ю утверди́ти в Правосла́вии до сконча́ния ве́ка.

На у́трени

По 1-м стихосло́вии седа́лен, глас 6:

Сквозе́ огнь муче́ния, я́ко свиде́тель ве́рный, проше́л еси́, блаже́нне Иоаса́фе, сего́ ра́ди с ли́ки святы́х земли́ Ру́сския в Небе́снем Оте́честве торжеству́еши. Помози́ и нам бы́ти ве́рными Христу́ и спасти́ся душа́м на́шим.

Сла́ва, и ны́не, Богоро́дичен:

О, Всепе́тая Де́во, Тя ве́мы Покро́в земли́ Ру́сския, Тебе́ бо, гре́шнии, и́мамы предста́тельство, Тебе́ стяжа́хом в напа́стех спасе́ние, Еди́ну Всенепоро́чную.

По 2-м стихосло́вии седа́лен, глас 2:

Боле́зньми и страда́нии твои́ми, священному́чениче Иоаса́фе, Бо́га просла́вил еси́ и хода́тай ве́рный о нас яви́лся еси́. Сего́ ра́ди с любо́вию вопие́м ти: не преста́й моли́тися о чту́щих святу́ю па́мять твою́.

Сла́ва, и ны́не, Богоро́дичен:

Моли́твеннице те́плая, Засту́пнице ро́да христиа́нскаго, приими́ моле́ния раб Твои́х и осени́ Русь Правосла́вную покро́вом Твоея́ бла́гости.

Велича́ние:

Велича́ем тя, священному́чениче Иоаса́фе, и чтим честна́я страда́ния твоя́, я́же за Христа́ во утвержде́ние на Руси́ Правосла́вия претерпе́л еси́.

Псало́м избра́нный: Бог нам прибе́жище и си́ла:

По полиеле́и седа́лен, глас 1:

До́блий страда́льче и служи́телю Та́ин Бо́жиих, священному́чениче Иоаса́фе, Це́ркве Ру́сския похвало́ и утвержде́ние, ны́не, пра́зднующе твою́ па́мять, Бо́гу, просла́вльшему тя, благода́рственно вопие́м: сла́ва Да́вшему ти кре́пость во страда́ниих, сла́ва Венча́вшему тя, сла́ва Спаса́ющему нас твои́ми моли́твами.

Сла́ва, и ны́не, Богоро́дичен:

Предста́тельнице те́плая и Засту́пнице усе́рдная, в годи́ну безбо́жия от коне́чныя поги́бели зе́млю Ру́сскую изба́вльшая всемо́щным хода́тайством к Сы́ну Твоему́. И ны́не не оста́ви нас моли́твами Твои́ми, Влады́чице Богоро́дице.

Степе́нна, 1-й антифо́н 4-го гла́са: Проки́мен, глас 4: Проидо́хом сквозе́ огнь и во́ду, и изве́л еси́ ны в поко́й. Стих: Разже́гл ны еси́, я́коже разжиза́ется сребро́. Вся́кое дыха́ние: Ева́нгелие от Матфе́я, зача́ло 36.

По 50-м псалме́ стихи́ра, глас 6:

Егда́ попусти́ Госпо́дь по грехо́м на́шим братоуби́йство, гоне́ния и ве́ры Христо́вы поруга́ние, ты, священному́чениче Иоаса́фе, Це́ркве Росси́йския столп непоколеби́мый яви́лся еси́ и, кровь свою́ за Христа́ пролия́в, па́ству во еди́нстве соблю́л еси́. Ны́не же, на Небеси́ предстоя́ с ли́ки новому́чеников, моли́ спасти́ся душа́м на́шим.

КАНО́Н

Богоро́дицы на 6 и свята́го на 8.

Кано́н свята́го, глас 4.

Песнь 1

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зныма Моисе́овыма рука́ма Амали́кову си́лу в пусты́ни победи́л есть.

Во́ли Бо́жией послушли́в быв, святи́тельства жезл прия́л еси́, священному́чениче Иоаса́фе, и, за Христа́ да́же до сме́рти пострада́в, ве́рный сын Це́ркве яви́лся еси́.

Изгна́ние и разлуче́ние с па́ствою твое́ю му́жественне претерпе́л еси́, священному́чениче Иоаса́фе, но ничто́же возмо́же разлучи́ти тя от любве́ Бо́жия.

Безбоя́зненно пропове́довал еси́ лю́дем покая́ние, священному́чениче Иоаса́фе, да обратя́т сердца́ своя́ к Бо́гу и то́кмо на Него́ в ско́рбех и лише́ниих упова́ние и́мут.

Богоро́дичен:   Ма́ти  Бо́жия, дом  Твой,   Свята́я  Русь,

мо́лит Тя: изба́ви лю́ди Твоя́ от вся́кия ну́жды и ве́чнаго осужде́ния.

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи: Ты моя́ кре́пость, Го́споди, и прибе́жище, и утвержде́ние.

Егда́ прии́де испыта́ние ве́ры твое́й, священному́чениче Иоаса́фе, страда́ние за Христа́, я́ко благода́тный дар, прия́л еси́ и кро́вию твое́ю Ру́сскую зе́млю обагри́л еси́.

Егда́ прии́де гоне́ние от безбо́жных, столп непоколеби́м Ру́сския Це́ркве яви́лся еси́, священному́чениче Иоаса́фе, святы́х, я́ко бли́жних сро́дник, в по́мощь призыва́я, с ни́миже ку́пно ны́не прославля́ешися.

А́ще и умерщвле́н был еси́ те́лом, священному́чениче Иоаса́фе, оба́че ду́хом ко́зни диа́вольския посрами́л еси́, име́я Христа́ прибе́жище и утвержде́ние.

Богоро́дичен: Тя Предста́тельницу, Пречи́стая Де́во, мо́лим: преложи́ на́шу печа́ль на ра́дость и ско́рби належа́щия изба́ви, Засту́пнице на́ша.

Седа́лен, глас 3:

Заве́ты испове́дников и священному́чеников Христо́вых восприе́м, ду́шу твою́ за ве́ру Правосла́вную положи́л еси́, свя́те, е́юже утвержда́ется земля́ Ру́сская. Сего́ ра́ди моли́ся, священному́чениче Иоаса́фе, любо́вию чту́щим тя ве́рным Христу́ до конца́ бы́ти.

Сла́ва, и ны́не, Богоро́дичен:

Не и́мамы ина́го прибе́жища, ра́зве Тебе́, Богоро́дице, Оте́чества на́шего усе́рдная Засту́пнице: всяк бо, почита́яй Тя, наде́жду обрета́ет.

Песнь 4

Ирмо́с: Вознесе́на Тя ви́девши Це́рковь на Кресте́, Со́лнце Пра́ведное, ста в чи́не свое́м, досто́йно взыва́ющи: сла́ва си́ле Твое́й, Го́споди.

Да не дерза́ют язы́цы рещи́: где есть Бог ваш? Кровь бо новому́чеников от земли́ на́шея вопие́т: Го́споди, Госпо́дь наш, я́ко чу́дно и́мя Твое́ по всей Ру́сстей земли́.

И́мже о́бразом жела́ет еле́нь на исто́чники водны́я, си́це ты, страстоте́рпче Иоаса́фе, к живоно́сным страда́нием за Христа́ прите́кл еси́, и́миже при́сно свяще́нно обновля́ется лице́ земли́ Ру́сския.

Вся земна́я ни во что вмени́в Христа́ ра́ди, сло́вом и житие́м, священному́чениче Иоаса́фе, ве́рных поуча́л еси́: о Бо́зе сотвори́м си́лу, и Той уничижи́т стужа́ющия нам.

Богоро́дичен: Стена́ необори́мая и Покро́в всемо́щный Росси́йским новому́чеником яви́лася еси́, Пресвята́я Де́во, те́мже Тя велича́ем.

Песнь 5

Ирмо́с: Ты, Го́споди, мой Свет, в мир прише́л ecи́, Свет Святы́й, обраща́яй из мра́чна неве́дения ве́рою воспева́ющия Тя.

Я́ко луч Со́лнца Пра́вды яви́лся еси́, священному́чениче Иоаса́фе, и страда́ньми твои́ми мглу безбо́жия над Оте́чеством на́шим разсе́ял еси́.

Егда́ безбо́жнии тща́хуся сокры́ти тя в темни́це, священному́чениче Иоаса́фе, Госпо́дь яви́ тя испове́дника Своего́ всем конце́м земли́ Ру́сския.

Ру́сския Це́ркве свети́льниче свяще́нный, Иоаса́фе, кровьми́ му́ченическими неугаси́мо светя́й и у Престо́ла Бо́жия предстоя́й, моли́ся о чту́щих тя.

Богоро́дичен: И́же от Де́вы неизрече́нно рожде́йся, Го́споди, сохрани́ моли́твами Ея́ Це́рковь Твою́, Тебе́ сла́вящую правосла́вными гла́сы.

Песнь 6

Ирмо́с: Пожру́ Ти со гла́сом хвале́ния, Го́споди, Це́рковь вопие́т Ти, от бесо́вския кро́ве очи́щшися ра́ди ми́лости от ребр Твои́х исте́кшею Кро́вию.

Восприи́м меч духо́вный, и́же есть глаго́л Бо́жий, безбо́жных    ко́зни    сокруши́л    еси́,    священному́чениче Иоаса́фе, и вся разжже́нныя стре́лы лука́ваго угаси́л еси́ щито́м ве́ры Правосла́вныя.

Во святи́телех благоче́стно пожи́в и муче́ния путь терпели́во восприи́м, сугу́бую мзду на Небесе́х обре́л еси́, священному́чениче Иоаса́фе, иде́же Ева́нгельски при́сно ра́дуешися и весели́шися.

Ничто́же возмо́же разлучи́ти тя, богоприя́тне, от любве́ Христо́вы: ни скорбь, ни гоне́ние, ни смерть, вся бо сия́ си́лою Возлю́бльшаго тя Го́спода препобеди́л еси́, священному́чениче.

Богоро́дичен: Пое́м Тя, Предста́тельнице те́плая и Засту́пнице христиа́н, Богоро́дице Всепе́тая, я́ко со все́ми святы́ми земли́ Ру́сския мо́лиши Сы́на Твоего́ и Бо́га на́шего обрести́ нам ве́лию ми́лость.

Конда́к, глас 2:

Восхва́лим, ве́рнии, изря́днаго во святи́телех и сла́внаго в му́ченицех Иоаса́фа, Правосла́вия побо́рника и благоче́стия ревни́теля, земли́ Ру́сския кра́сное прозябе́ние, и́же страда́нием Небесе́ дости́же и та́мо те́пле мо́лит Христа́ Бо́га спасти́ся душа́м на́шим.

И́кос:

Красу́йся и лику́й, Це́рковь Ру́сская, я́ко благопло́дная лоза́ свяще́ннаго страда́льца израсти́вшая, добропобе́дным муче́нием сердца́ ве́рных укрепи́вшаго, за́поведи Госпо́дни испо́лнившаго и при́сно ева́нгельски учи́вшаго: прииди́те, ча́да, послу́шайте мене́, не убо́йтеся от убива́ющих те́ло, души́ же не могу́щих уби́ти, убо́йтеся же па́че могу́щаго ду́шу и те́ло погуби́ти в гее́нне. Те́мже, священному́чениче Иоаса́фе, моли́ Христа́ Бо́га спасти́ся душа́м на́шим.

Песнь 7

Ирмо́с: В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Я́ко трие́ о́троцы, в пещи́ вавило́нстей пла́менем объя́тии, моли́твою не сгара́ху, та́ко ты, священному́чениче Иоаса́фе, во огни́ муче́ний благода́тию ве́ру сохрани́л еси́. Сего́ ра́ди ны́не с новому́ченики Росси́йскими лику́еши: благослове́н еси́, Бо́же отце́в земли́ на́шея.

Я́коже дре́вле о́троцы, в пещи́ неопаля́емии, злато́му истука́ну не поклони́шася, та́ко же и ты, священному́чениче Иоаса́фе, огне́м муче́ний неопаля́емь, безбо́жие небоя́зненно облича́л еси́, взыва́я с новому́ченики Росси́йскими: благослове́н еси́, Бо́же отце́в земли́ на́шея.

Же́ртву живу́ю и всесожже́ние Творцу́ себе́ сама́го принося́, священному́чениче Иоаса́фе, с новому́ченики Росси́йскими воспева́л еси́: могу́щии, покаря́йтеся, я́ко с на́ми Бог отце́в земли́ на́шея.

Богоро́дичен: Я́же па́че ума́ и естества́ Бо́га ро́ждши, Неискусому́жная Мари́е, чту́щия Тя от враг ви́димых и не ви́димых изба́ви, Ты бо еси́ земли́ отце́в на́ших Держа́ва необори́мая.

Песнь 8

Ирмо́с: Ру́це распросте́р, Дании́л львов зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели о́троцы, взыва́юще: благослови́те, вся дела́ Госпо́дня, Го́спода.

Зе́млю Ру́сскую, безбо́жными гоне́нии неща́дно жего́мую, слеза́ми и кровьми́ твои́ми напои́л еси́, священному́чениче Иоаса́фе, сего́ ра́ди плоды́ ве́ры, ча́да церко́вная, возрасти́л еси́.

Зло́бы мучи́телей не убоя́лся еси́, огне́м любве́ Боже́ственныя ты́я препобеди́в, те́мже благода́ть моли́тися о нас стяжа́л еси́, священному́чениче Иоаса́фе, достохва́льне.

Благословля́я гони́телей твои́х, блаже́нне Иоаса́фе, усе́рдно моли́лся еси́ за них, да пока́ются и ку́пно с ве́рными бра́тиями благословя́т Го́спода.

Богоро́дичен: Христа́ зря́щи умерщвля́ема, Многопе́тая Влады́чице, и ви́дящи исполне́ние Симео́нова прорече́ния, слезя́щи взыва́ше: благослове́н еси́, Бо́же, во ве́ки.

Песнь 9

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся, Христо́с, совокупи́вый разстоя́щаяся естества́. Тем, веселя́щеся, Тя, Богоро́дице, велича́ем.

Рука́ми беззако́нных убие́н, же́ртва благоприя́тная и во́льное заколе́ние Бо́гу прине́слся еси́, свя́тче Бо́жий Иоаса́фе. Тем благода́рне па́мять твою́ почита́ем.

Госпо́дь, исполня́я смотре́ние Свое́ о Це́ркви Ру́сстей, засту́пника тя, священному́чениче Иоаса́фе, соде́ла. Те́мже моли́ся Ему́, во благоче́стии нам пребыва́ти и спасти́ся душа́м на́шим.

О, бе́здна бла́гости Бо́жия! Дарова́ бо Бог возлю́бленным Свои́м ве́ры ра́ди пострада́ти и тя, священному́чениче Иоаса́фе, я́ко плод кра́сный спаси́тельнаго се́яния, избра́ от земли́ Ру́сския.

Богоро́дичен: Разори́ сове́ты вся, на ны вооруже́нныя, Ма́ти Бо́га Вы́шняго, и ра́дости испо́лни упова́ющия на Тя, да усе́рдно вси Твое́ пропове́дуем заступле́ние.

Свети́лен:

Па́ству хле́бом сло́ва Бо́жия насыща́я и вино́м прему́дрости свяще́нныя напоя́я, теплото́ю любве́ твое́я да́ры сия́ раствори́л еси́, священному́чениче Иоаса́фе. И ны́не высо́ким пропове́данием веща́еши ча́дом Це́ркве Ру́сския: приступи́те ко Го́споду, и просвети́теся, и ли́ца ва́ша не постыдя́тся.

Сла́ва, и ны́не, Богоро́дичен:

О Тебе́ мы хва́лимся, Богороди́тельнице, и к Бо́гу Тя и́мамы Предста́тельство, простри́ ру́ку Твою́ необори́мую и сокруши́ враги́ Це́ркве Ру́сския.

На хвали́тех стихи́ры на 4, глас 4.

Подо́бен: Дал еси зна́мение:

Дал еси зна́мение земли́ Ру́сстей, Го́споди, священному́ченика, уго́дника Твоего́, Иоаса́фа, я́ко да тем умоле́н быва́я, отврати́ши пра́ведный Твой гнев, и не поги́бнет свята́я и боголюби́вая Русь, предста́тельством но́ваго страстоте́рпца.

Же́ртву хвале́ния при́сно Го́сподеви принося́, священному́чениче Иоаса́фе, в коне́ц сама́го себе́ в же́ртву жи́ву и свя́ту, благоуго́дну и соверше́нну предста́вил еси́, те́мже ти ве́рно вопие́м: благоприя́тны сотвори́ моли́твы на́ша о благостоя́нии Це́ркве Ру́сския.

Предста́телю     Це́ркве     Ру́сския,     священному́чениче Иоаса́фе    всехва́льне,   вы́ну   зряй   Лице́    Го́спода   на Небесе́х,   не   пре́зри   ни   еди́наго   от   ма́лых  чад   ея́, но ра́достно покая́ние на́ше приими́ и моли́ при́сно сыново́м ру́сским спасти́ся.

Сла́ва, глас 8.

Подо́бен: О, пресла́внаго чудесе́:

О, пресла́внаго чудесе́! Я́ко крин посреде́ те́рния, в страда́ниих за Христа́ процве́л еси́, священному́чениче Иоаса́фе, да не затми́тся в земли́ на́шей свет Правосла́вия во открове́ние язы́ком и сла́ву наро́да Ру́сскаго. И ны́не, в селе́ниих ра́йских пребыва́я, неувяда́емо благоуха́еши ве́ре твое́й подража́ющим.

И ны́не, глас и подо́бен то́йже:

О, пресла́внаго чудесе́! Небесе́ и земли́ Цари́ца, от святы́х сро́дников на́ших умоля́емая, до ны́не зе́млю Ру́сскую покрыва́ет и ли́ка Своего́ изображе́нии ми́лостивно обогаща́ет. О, Влады́чице Держа́вная! Не преста́ни и на бу́дущее вре́мя во утвержде́ние на Руси́ Правосла́вия ми́лости и чудеса́ излива́ти до ве́ка. Ами́нь.

На Литурги́и

Блаже́нны от кано́на, пе́сни 3-я и 6-я.

Проки́мен, глас 7: Честна́ пред Го́сподем смерть преподо́бных Его́. Стих: Что возда́м Го́сподеви о всех, я́же воздаде́ ми.

Апо́стол к Ри́мляном, зача́ло 99.

Аллилу́иа, глас 6: Свяще́нницы Твои́ облеку́тся в пра́вду, и преподо́бнии Твои́ возра́дуются. Стих: Бог нам Прибе́жище и Си́ла, Помо́щник в ско́рбех, обре́тших ны зело́.

Ева́нгелие от Луки́, зача́ло 106.

Прича́стен: В па́мять ве́чную бу́дет пра́ведник:

Моли́тва

О избра́нниче и уго́дниче Христо́в, священному́чениче Иоаса́фе, Це́ркве Ру́сския сто́лпе непоколеби́мый, земли́ на́шея благо́е прозябе́ние и кра́сный плод, сро́дников твои́х предста́телю и наста́вниче! Ты во вре́мя гоне́ния безбо́жнаго от сокро́вищницы души́ твое́я спаси́тельное испове́дание Правосла́вныя ве́ры изне́сл еси́, и лю́дем ве́рным па́стырь до́брый яви́лся еси́, ду́шу твою́ за Христа́ и Его́ о́вцы полага́я и лю́тыя во́лки дале́че отгоня́я. Ны́не у́бо призри на нас, недосто́йных чад твои́х, умиле́нною душе́ю и сокруше́нным се́рдцем тя призыва́ющих. Умоли́ Го́спода Бо́га, да прости́т согреше́ния на́ша и изба́вит от а́довых уз и ве́чнаго муче́ния. Утверди́ нас в ве́ре святе́й, научи́ нас всегда́ твори́ти во́лю Бо́жию и храни́ти за́поведи церко́вныя. Бу́ди па́стырем на́шим пра́вило ве́ры, во́ином вождь духо́вный, боля́щим врач изря́дный, печа́льным уте́шитель, гони́мым засту́пник, ю́ным наста́вник, всем же благосе́рдый оте́ц и те́плый моли́твенник, я́ко да моли́твами твои́ми соблюде́тся в Правосла́вии Свята́я Русь и непреста́нно сла́вится в ней и́мя Пресвяты́я Тро́ицы, Отца́, и Сы́на, и Свята́го Ду́ха во ве́ки веко́в. Ами́нь.