Священномученик Павлин (Крошечкин), архиепископ Могилевский


pavlin

День памяти: 3 ноября (21 октября по старому стилю) и 16 августа (3 августа по старому стилю)

О священномученике Павлине из книги «Собор Могилевских святых»

Фильм о священномученике Павлине, архиепископе Могилевском


Тропарь, глас 2:

Веры Православныя непорочный блюстителю/ и заповедей Христовых усердный исполнителю,/ священномучениче Павлине,/ Христа всем сердцем возлюбив,/ паству твою добре упасл еси./ В хладней Сибири мученическую смерть приял еси, / венцем славы украсился еси/ и в вечной славе пребывая,// моли спастися душам нашим.

Молитва

О, священномучениче Христов Павлине! Услыши слезныя молитвы чад твоих и воздыхания наша, сердцами сокрушенными и смиренными приносимыя. Се бо беззаконии омрачихомся и того ради бедами, яко тучами, обложихомся. Но ты, святе Павлине, понеси яко сильный немощи наша, не отлучайся от нас духом, да не разлучимся вконец от любве Божия. Призри милостивно на предстоящия и молящияся пред святою иконою твоею и прошения коегождо яже ко спасению исполни. Веруем бо, яко ты ради страданий за Церковь Божию, Отечество наше и Христоименитыя люди велие дерзновение ко Господу имаши.Умоли благость Его, да укрепит ны в Православии и единомыслии, а наипаче в непоколебимом исповедании Живоначальныя Троицы и Спасителя мира, Сына Божия, Христа Бога нашего, во плоти пришедшаго, спасшаго нас на кресте, воскресшаго, ко Отцу возшедша и паки грядущаго со славою судити живым и мертвым.Паки просим тя, предстательствуй пред Богом за паству твою и вся православныя христианы, да дарует Господь архипастырем и пастырем нашим духовное трезвение и ревность о спасении своем и врученныя паствы, страну нашу в мире и благоденствии соблюдет, правителем дарует суд и правду, а всем нам братолюбие и любовь.Милостивый святителю, яви ныне всем требующим твоея помощи исцеление душ и телес, мирное устроение, от клеветы и обид заступление. Да тако мы днесь и чрез все житие, твоею помощию спасаеми, восхвалим Подвигоположника Иисуса, Сына Божия, Емуже подобает всякая слава, честь и поклонение, со Безначальным Его Отцем и Святым, Благим и Животворящим Его Духом, ныне и присно, и во веки веков. Аминь.