2017 год: 300-летие святителя Георгия (Конисского)

свт. ГеоргийДень памяти: 26 февраля (13 февраля по старому стилю) и 6 августа (24 июля по старому стилю)

Тропарь, глас 3:

Столп Православия и учитель благочестия был еси, /святителю отче наш Георгие. / Многия скорби и гонения претерпел еси, / богомудро паству свою управляя, / ко спасению всех наставил еси. / Церкви Белорусския Похвало и града Могилева украшение, / моли Христа Бога, / да утвердит Отечество наше в благочестии и спасет души наша.

Тропарь, глас 4:

Приспе день светлаго торжества, / град Могилев радуется, / и с ним вси людие православные ликовствуют пеньми и песньми духовными: / днесь бо священное торжество в прославлении святителя и чудотворца Георгия, / якоже солнце незаходимое возсия светозарными лучами, / разгоняя тьму искушений и бед / от вопиющих верно: / спасай нас, яко предстатель наш, / великий Георгие.

Кондак, глас 8:

Яко трудника апостольска и Православия столпа непоколебима / Церковь Христова приносит Ти, Господи, / святителя Георгия, в той просиявшего. / ТогоМолитвами даруй душам нашим мир и велию милость.

Молитва

О, великий угодниче Христов, святителю отче наш Георгие!

К тебе, молитвеннику теплому и предстателю пред Богом непостыдному, усердно притекаем, в нуждах и скорбех наших утешения и помощи просяще. В древнюю годину испытаний, внегда посетиша страну нашу беды и скорби, Господь яви тя Церкви Своей столпа непоколебима и людем православным пастыря добра, душу свою за овцы полагавшаго и лютыя волки далече отгнавшаго. Ныне убо призри на ны, недостойная чада твоя умиленною душею и сокрушенным сердцем тебе призывающия. Крепость бо наша в нас оскуде и вражия ловления и сети, ереси и расколы обыдоша нас. Помози нам, заступниче наш! Буди щит несокрушим Святей Церкви Православней и Отечеству нашему. Преосвященные архиереи благолепием святительства и премудростию украси, пастырем в служении ревность даруй, монашествующия к подвигам добраго течения в послушании утверди, православным христианом веру святую непорочну соблюсти умоли, мир весь твоим предстательством умири. Осени горним благословением нас, чад твоих, и подаждь нам скорбящим утешение, болящим здравие, гонимым защищение. Буди всем нам благосердый отец и за вся теплый молитвенник, яко да предстательством твоим ограждаеми, непрестанно воспеваем и прославляем Всесвятое имя Живоначальныя Троицы, Отца и Сына и Святаго Духа, во веки веков. Аминь.

Акафист и житие святителя Георгия

План мероприятий по празднованию 300-летия со дня рождения святителя Георгия Конисского